ჩვენი სივრცე

„გლადიუსი“ აკადემია დაარსდა 2014 წლის 30 სექტემბერს და დღეს წარმოადგენს საქართველოს ერთ-ერთ ყველაზე მასშტაბურ, შედეგიან და დინამიურად განვითარებად საბრძოლო ხელოვნების ცენტრს. აკადემიის დამფუძნებელი და მთავარი მწვრთნელია გიორგი ობოლაძე — საქართველოს ბრაზილიური ჯიუ-ჯიცუს ეროვნული ფედერაციის პრეზიდენტი, ჯიუ-ჯიცუს მე-5 დანის მფლობელი და კრავ მაგას პროფესიონალი ინსტრუქტორი. გლადიუსი აკადემია არის სივრცე, სადაც სპორტი სცდება ფიზიკურ ვარჯიშს და გადაიქცევა ცხოვრების წესად. აქ ყალიბდება დისციპლინა, ხასიათი, პასუხისმგებლობა და გამარჯვების მენტალიტეტი. აკადემია აერთიანებს საბრძოლო ხელოვნების მრავალ მიმართულებას: ბრაზილიურ ჯიუ-ჯიცუს, კრავ მაგას (ქუჩის თავდაცვა), იაპონურ ჯიუ-ჯიცუს, ძიუდოსა და MMA-ს, რაც უზრუნველყოფს როგორც პროფესიონალი სპორტსმენების, ისე დამწყები მსურველების მრავალმხრივ განვითარებას. განსაკუთრებული ყურადღება ეთმობა ბავშვთა განვითარებას. აკადემიაში ფუნქციონირებს 3-5 წლამდე ასაკის ჯგუფები — „ფრე ჯიუ-ჯიცუ“, სადაც ბავშვები სწავლობენ დისციპლინას, წესრიგს, მოტორიკას, კოორდინაციას, ორგანიზმისა და გონების ჰარმონიულ განვითარებას, ასევე საწყის სპორტულ ფსიქოლოგიას. 6-14 წლამდე ასაკის ჯგუფებში კი აქცენტი კეთდება დისციპლინაზე, ფსიქოლოგიურ სიმტკიცეზე, პასუხისმგებლობასა და გუნდურობაზე. გლადიუსი აკადემიის მთავარი მისიაა არა მხოლოდ ძლიერი სპორტსმენების აღზრდა, არამედ ძლიერი, წესიერი და წარმატებული მოქალაქეების ჩამოყალიბება. 2014 წლიდან დღემდე აკადემიამ აღზარდა ასეულობით სპორტსმენი და დღეს უკვე წარმოადგენს ერთ-ერთ ყველაზე დიდ აკადემიას საქართველოში სპორტსმენთა რაოდენობით. სწავლების პროცესში ჩართულნი არიან მაღალკვალიფიციური ინსტრუქტორები სხვადასხვა ქვეყნიდან — საქართველოდან, ბრაზილიიდან, ესპანეთიდან, არგენტინიდან და აზერბაიჯანიდან, რაც ქმნის უნიკალურ საერთაშორისო გარემოს. ყველა ვარჯიში ტარდება სამ ენაზე — ქართულად, ინგლისურად და რუსულად. აკადემიის ფილოსოფია ეფუძნება ადამიანის ჰოლისტურ განვითარებას — ფიზიკური, მენტალური და ფსიქოლოგიური მიმართულებების ერთიანობას. განსაკუთრებული ყურადღება ეთმობა სპორტულ ფსიქოლოგიას, მოტორიკის განვითარებას, ბალანსსა და კოორდინაციას — იმ საფუძვლებს, რომლებიც განსაზღვრავს როგორც სპორტულ, ისე ცხოვრებისეულ წარმატებას. გლადიუსი აკადემია აქტიურად თანამშრომლობს საქართველოს უნივერსიტეტებთან, სკოლებთან და სხვადასხვა ორგანიზაციებთან, ჯანსაღი ცხოვრების წესის პოპულარიზაციისა და ახალგაზრდების სპორტში ჩართვის მიზნით. აკადემია სისტემატიურად მონაწილეობს სახელმწიფო და კერძო სექტორის მიერ ორგანიზებულ სპორტულ და სოციალურ პროექტებში, რითაც მნიშვნელოვან წვლილს შეაქვს საზოგადოების განვითარებაში. დღეს გლადიუსი აკადემია წარმოადგენს არა მხოლოდ სპორტულ ცენტრს, არამედ ძლიერ პლატფორმას მომავალი თაობის ფორმირებისთვის — სივრცეს, სადაც იზრდება ლიდერები, ყალიბდება ხასიათი და იბადება ჩემპიონები. გლადიუსი აკადემია — ყველაზე დიდი, ყველაზე ძლიერი და შედეგზე ორიენტირებული საბრძოლო ხელოვნების სივრცე საქართველოში.